Logo Contact us

Aðventutónleikar Tónlistarfélags Reykjanesbæjar

Tónlistarfélag Reykjanesbæjar dembir sér í aðventutónleika vertíðina og býður upp á dýrindis hádegistónleika föstudaginn 5. desember í Bergi, Hljómahöll. Leikin verða ljúf jólalög af strengjakvartettnum Stilltur.
 

Strengjakvartettinn Stilltur er skipaður þeim Sigrúnu Harðardóttur og Margrét Soffíu Einarsdóttur fiðluleikurum, Þórunni Harðardóttur víólu og Grétu Rún Snorradóttur selló. Allar eru þær meðlimir í kammerhópnum Stillu sem hefur getið sér góðan orðstír í flutningi verka fyrir strengi og söng.
Kvartettinn hefur á síðustu misserum sinnt margvíslegum tónlistarflutningi við fjölbreyttar aðstæður og leggur metnað sinn í að flytja tónlist frá mismunandi tímabilum og stefnum. Auk þess að starfa við tónlistarflutning hafa flestir meðlimir hópsins einnig atvinnu af tónlistarkennslu og eru þær Þórunn og Gréta Rún kennarar við Tónlistarskóla Reykjanesbæjar.
 

Aðgangseyrir er 1000kr. og verður boðið upp á léttar veitingar að tónleikum loknum. Eru þessir tónleikar tilvaldir fyrir þá sem þurfa aðeins að bregða sér úr vinnugírnum og drekka í sig jólaandann....og auðvitað alla hina líka!

Hvar og Hvenær?

Salur:

Berg

Dagsetning:

Klukkan hvað?:

Facebook:

https://www.facebook.com/events/1498232173775431/?pnref=story

Miðaverð:

Kr. 1000